Награда од 1.000.000 долари за апсење на рускиот претседател Владимир Путин им понуди на воените офицери рускиот бизнисмен Алекс Конањхин во објава на социјалните мрежи.
„Ветувам дека ќе платам 1.000.000 долари на офицерите кои, почитувајќи ја нивната уставна должност, ќе го уапсат Путин како воен злосторник според руските и меѓународните закони“, напиша Конанихин на LinkedIn. „Путин не е руски претседател бидејќи дојде на власт како резултат на специјална операција на минирање станбени згради во Русија, а потоа го прекрши Уставот со елиминирање на слободните избори и убиство на своите противници“.
„Како етнички Русин и руски државјанин, гледам дека е моја морална должност да ја олеснам денацификацијата на Русија. Ќе продолжам со мојата помош за Украина во нејзините херојски напори да го издржи нападот на ордите на Путин“, додаде бизнисменот.
Објавата е придружена со слика со фотографија од Путин и зборовите „Се бара: мртов или жив. Владимир Путин за масовно убиство“.
