Најголема радост за еден родител е да биде сведок на безгрижното детство на своите деца, палавото тинејџерство а потоа и влегувањето во светот на возрасните. Денес е голем ден за семејството Јанчеви. Првородениот син Никола денес слави полнолетство.
Гордост е да му го покажеш вистинскиот пат на своите деца , гордост е да гледаш како неуморно сакаат да учат од родителите.
Среќен 18 ти роденден Никола напиша на социјалните мрежи градоначалникот.
Митко Јанчев е роден на 01.11.1981 година. Сопруг на Веселка и татко на три деца: Никола, Стојанче и Мила.
Тој е дипломиран инженер-геолог на Универзитетот „Гоце Делчев” Штип, а магистерските студии на истиот ги завршува на отсекот на техничките науки, петрологија, минералогија и геохемија.
Јанчев е сопственик и управител на ДПТУ „Кожувчанка“ од Кавадарци, првата приватна компанија за производство на вода во Македонија. Функцијата управител ја презел во 2004 година – на 23 годишна возраст, по ненадејната смрт на неговиот татко кој бил основач на компанијата. Во своето 13 годишно раководење со компанијата воведува нови современи стандарди во развојот на фирмата, а компанијата го привлекла светски познатиот бренд „Синалко“ од Германија.
Митко Јанчев исто така е член на управниот одбор на Стопанската комора на Република Македонија, како и претседател на Регионалната Стопанска комора- Кавадарци.
Јанчев ја основал и противпожарната служба во градот Кавадарци., Донирал во образованието, а еден од поголемите проекти е донација за реконструкција на ОУ „Димката Ангелов -Габерот“ во Кавадарци.
Тој е поддржувач на голем број спортски настани и клубови. Дава особен придонес низ спортот во Кавадрци преку 10 годишната финансиска поддршка на КК „Фени Индустри“, Џудо клубот „ Кожувчанка“, низата фудбалски клубови во Кавадарци, ГРК Тиквеш и други.
Јанчев исто така бил претседател на иницијативниот одбор за изградба на соборната црква „Света Петка” во Кавадарци и е еден од донаторите.
Но многумина на социјалните мрежи беа љубопитни што доби Никола за 18-тиот роденден од својот татко?!
Па така да не требаше многу да се дознае и да се сокрие овој скап поклон, кој вреди повеќе од 100.000 евра во зависност од опремата што ја поседува, а се работи за најновото возило на BMW X6
