Припадници на државните служби, спалеолози и доброволци ја продолжуваат потрагата по десетгодишниот Петар кој исчезна минатиот петок во Врбско, Прилепско.
Спалеолозите и денеска се спуштаат во рударското окно длабоко 70 метри, откако спасителната служба „Златоврв” од Велес, како и припадник од Дирекцијата за спасување и заштита (ДЗС), вчера не го пронајдоа момчето при влегување во старите окна на поранешната фабрика „Партизанка” од Прилеп, според последните информации во медиумите. Во јамите на „Партизанка“ претходно никој не влегол во изминатите 40 години.
Според МВР, во потрагата по Петар се вклучени голем број на доброволци и околу сто припадници на државните служби. Од вторникот во потрагата се приклучи и ДЗС со ангажирање на седуммина припадници, од кои четворица се од тимот за брз одговор за спасување од планини од ПОЗС – Битола, еден од тимот за спасување од високи објекти од ПОЗС – Прилеп и двајца вработени од Секторот за оператива и логистика. ДЗС за потребите на потргата обезбеди и АТВ – мотори и специјални возила.
Предвидено е потрагата да продолжи денес и утре по течението на Црна Река.
На Петар му се губи трагата во дворот од куќата во село Врбско, Мариово, каде што неговите родители одгледувале пчели.
