Украинскиот претседател Володимир Зеленски доцна синоќа им се обрати на граѓаните на Фејсбук и изјави дека „ова е Недела на простување, но не можам да простам поради стотиците жртви“, пренесува Си-Ен-Ен.
„Ниту илјадниците кои страдаа. Ниту Господ нема да прости. Не денес. Не утре. Никогаш. Наместо прошка, ќе има осуда“, изјави тој, пренесува Си-Ен-Ен.
Тој ја обвини Русија дека планира „намерно убиство“ со гранатирање на украинска територија.
„Русија официјално најави гранатирање на нашата територија утре. Нашите компании и одбранбени комплекси. Многу од нив се изградени пред неколку децении, во градовите. Тие сега се во средината на вообичаената урбана средина. Илјадници луѓе работат таму, илјадници живеат во близина“, рече тој.
Тој додаде дека се работи за „убиство, намерно убиство“.
Зеленски потенцира дека во неделата не се слушнал со ниту еден од сојузниците.
„Не ги слушнав реакциите на светските лидери денес. Западните политичари. Нема реакција на таа објава. Помислете на чувството на неказнивост на окупаторите: тие најавуваат планирани ѕверства. Зошто?“, праша Зеленски.
