Денеска до крајот на денот Регулаторната комисија за енергетијка ќе донесе нова одлука за цените на нафтените деривати што се продаваат на бензинските станици во земјава.
Каква ќе биде таа одлука засега не се шпекулира, но факт е дека цените на нафтата на светските берзи оди нагоре, што значи дека ќе станува збор за зголемување на цените на нафтените деривати.
Од Регулаторната комисија за енергетика велат дека во тек се пресметки кои во зависност од резултатите ќе покажат дали се исполнети предусловите РКЕ денеска да носи нова одлука или не за цените на нафтените деривати.
Но, она што е клучно што треба да го знае македонската јавност, е дека Регулаторната комисија за енергетика денеска ќе ги утврдува цените на дериватите по старите правила на игра, а не според новите мерки кои денеска ги донесе Владата и за кои информираше премиерот Димитар Ковачевски, со оглед што за новите мерки да стапат во сила, ќе мора прво соодветните закони да се изгласаат во Собранието.
Се анализираат клучни елементи кои влегуваат во крајната цена а тоа се: берзанските котации на нафтените деривати и курсот на доларот во однос на денарот. Според измените во Правилникот за формирање на највисоки малопродажни цени на одделни нафтени деривати и горива за транспорт, се овозможува РКЕ да носи одлуки доколку берзанските цени имаат значителни промени. Со измените во правилникот се предвидува дека доколку берзанските цени и/или курсот на доларот во однос на денарот предизвикаат зголемување или намалување во малопродажната цена поголемо или еднакво на 2,00 денари/литар за моторни бензини, дизел гориво и масло за горење, односно 0,300 денари/килограм за мазут, во однос на утврдените цени во последната одлука, тогаш РКЕ ќе донесе нова одлука за највисоки малопродажни цени на нафтените деривати“, вели Марина Узунов, портпарол на РКЕ.
А како што е познато, денеска премиерот Димитар Ковачевски соопшти дека според новите мерки, цените би се намалиле за 10,5 денари на дизелот, и за 91,5 денари за бензинот.
Тоа ќе биде дел од пакетот економски мерки.
„Ја намалуваме акцизата на берзанските цени, за 1, 2 односно 4 денари по литар, на безоловниот бензин, на гасното масло, и на екстра леснорто, во случај средната дневна берзанска цена да е повисока од 800 американски долари за тон, но пониска или еднаква на 1.000 долари, потоа повисока од 1.000 но пониска од 1.200, осдносно повисока од 1.200 долари за тон. Ова се предлага со цел ублажување на влијанието на зголемените цени на светските берзи и заштита на куповната моќ на потрошувачите.
Мерката ќе има директно влијание врз намалување на малопродажната цена на овие енергенти, и тоа за околу 1,2 денари, односно 2,3 денари, односно 4,7 денари, вклучувајќи го ефектот од намалениот износ на ДДВ за износот на намалена акциза. Би се приомениле акцизи намалени за 2 денари и дизелот од 85,5 денари би се намалил за 10,5 денари и би изнесувал 75 денари, а бензинот наместо 91,5 денари, би се намалил за 11,5 денари и би изнесувал 80 денари“, изјави Ковачевски.
Фактор
