Поранешната министерка за одбрана Радмила Шекеринска на својот Фејсбук профил напиша дека застануваат солидарно зад Славјанка Петровска, затоа што ниту една жена не треба да биде мета на родово базиран говор на омраза.
-Застануваме солидарно зад Славјанка Петровска, зашто ниедна жена не треба да биде мета на родово базиран говор на омраза. Изминатиов период повторно гледаме што сѐ ѝ се случува на една жена која има јавна професија и професионално си ја извршува работата. Сè додека јавноста ги гледа жените единствено низ сексистичка призма, ниту ќе видиме повеќе жени на одлучувачки позиции, ниту ќе се искорени објективизацијата на жените во сите полиња на нејзиното постење, напиша Шекеринска.
