19.9 C
Ohrid
четврток, мај 30, 2024
ПочетнаСветИндија размислува да купи ефтина руска нафта

Индија размислува да купи ефтина руска нафта

Индија ја разгледува можноста да ја прифати руската понуда за нафта и други стоки по намалени цени, со плаќање на трансакции во рупии и рубли, изјавија двајца индиски официјални лица.
ндија задоволува 80 отсто од побарувачката за нафта со увоз, со учество од два до три отсто со руска нафта. Но, цената на нафтата порасна за 40 отсто оваа година, па владата има намера да го зголеми увозот од Русија доколку може да ги намали зголемените трошоци за енергија.

„Русија нуди нафта и други стоки со големи попусти. Ние со задоволство ќе го прифатиме тоа. Мораме да решиме некои проблеми, како што се танкери, осигурување и мешавина. Кога ќе ги решиме, ќе ја прифатиме понудата за попуст“, изјави индискиот владин претставник…

Некои меѓународни трговци ја избегнуваат руската нафта за да не се изложат на санкции наметнати на Москва поради инвазијата на Украина. Индиските функционери, кои сакаа да останат анонимни, не кажаа колку нафта планираат да купат или колкав попуст им е понуден.

Едниот изјавил дека санкциите не го попречуваат индискиот увоз, а другиот дека се работи на механизам за размена со плаќање во рубли и рупии, што ќе се користи за плаќање нафта и други стоки. Министерството за финансии веднаш не одговорило на барањето на западните медиуми да се коментира најавата за купување руска нафта.

Индиската влада очекува увозните трошоци да скокнат во новата фискална година, која започнува во април, за 50 милијарди долари. Во фискалната година, тие веќе ги удвоија трошоците за субвенции, а денеска одобрија дополнителни 149 милијарди индиски рупии (1,94 милијарди долари). Во таква ситуација Њу Делхи размислува за евентуално купување на поевтини суровини од Русија и Белорусија за производство на ѓубрива.

Владата очекува субвенциите за вештачко ѓубриво во новата финансиска година да бидат најмалку 200 до 300 милијарди рупии повеќе од моментално проценетите 1050 милијарди рупии, рекоа двајцата официјални лица. „Ако можеме да добиеме поевтино ѓубриво од Русија, ќе ја прифатиме понудата. Тоа ќе ни олесни дел од нашите фискални проблеми“, рекол еден функционер.

Русија повика, како што рекоа, „пријателските земји“ да ги зачуваат трговските и инвестициските врски. Индија со години соработува со Русија на полето на одбраната и се воздржа од гласање во Обединетите нации за осуда на руската инвазија, но повика на прекин на насилството.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Сиднеј: СВЕЧЕНО ПРОСЛАВЕН ДЕНОТ НА СЕСЛОВЕНСКИТЕ ПРОСВЕТИТЕЛИ СВЕТИ КИРИЛ И МЕТОДИЈ

Пишува  Тоде Кабровски Минатата недела на 26 мај 2024 година во организација на Македонскиот просвето-училишен одбор на Нов Јужен Велс со сите Македонски училишта во...

Пецаков: По повод 30. Мај, Светскиот ден на лица со Мултипла склероза, упатувам јавна поддршка

По повод 30. Мај, Светскиот ден на лица со Мултипла склероза упатувам јавна поддршка до сите наши сограѓани кои се борат со ваков животен...

Фатени лица од Охрид и Бугарија- Се претставувале како полицајци

Поради постоење основи на сомнение за сторени кривични дела „измама“, СВР Охрид поднесе кривична пријава против Е.И.В.(58) од Република Бугарија и А.Т.(41) од Охрид. Во...

Македонче: Александар Лазовски, успешен магистрант на Харвард !

Честитки за нашиот Александар Лазовски, стипендист и признат студент лидер за вештачка интелигенција (AI) и образование, кој ја заврши својата магистратура по образование (2023–24)...