Сорос е основач на Фондацијата Отворено општество и голем застапник на либералната демократија. Роден во еврејско семејство во Будимпешта во 1936 година, тој ја преживеал Втората светска војна и нацистичката окупација и по војната емигрирал во Велика Британија, каде што дипломирал на Лондонската школа за економија. Потоа се преселил во САД и го основал еден од најуспешните инвестициски фондови во светот.
„Руската инвазија на Украина на 24 февруари го означи почетокот на Третата светска војна која има потенцијал да ја уништи нашата цивилизација“, драматично започнува Сорос.
Тој пишува дека инвазијата уследила по долгата средба меѓу рускиот претседател Владимир Путин и кинескиот претседател Си Џинпинг на 4 февруари – денот на прославата на кинеската Лунарна Нова Година и Зимските олимписки игри во Пекинг.
„На крајот од тој состанок, двајцата објавија внимателно подготвена изјава од 5.000 зборови, во која се изјаснија за блиско партнерство меѓу нивните две земји“, се сеќава Сорос.
„Бев изненаден што Си изгледаше како да му даде право на Путин да ја нападне Украина и да води војна против таа земја. Тој мора да биде многу убеден дека неговата потврда како доживотен владетел на Кина подоцна во текот на годината ќе биде обична формалност. Откако ќе ја концентрира сета своја моќ во негови раце, Си внимателно смислил сценарио кое го става на исто ниво со Мао Це Тунг и Денг Ксијаопинг“, рече Сорос, кој гледа голема опасност во зближувањето на Русија и Кина.
„Откако ја доби поддршката од Си, Путин со неверојатна бруталност се впушти во остварувањето на својот животен сон. Сега, на речиси 70 години, Путин верува дека ако сака да остави трага во руската историја, тоа мора да биде сега или никогаш. Но, тој има искривена перцепција за улогата на Русија во светот. Се чини дека верува дека на рускиот народ му треба император кој слепо ќе го следи. Тоа е сосема спротивно на демократското општество, тоа е визија што ја искривува „руската душа“, емотивна до сентименталност , “пишува Сорос за австрискиот весник Der Standard.
Сорос смета дека некогашниот лукав член на КГБ се променил во последно време.„Се чини дека развил фиксна идеја и изгубил контакт со реалноста“, рече тој.
Сорос има само пофални зборови за Украинците. За повеќе детали-Вечер.Мк
