4.9 C
Ohrid
четврток, февруари 6, 2025
ПочетнаМакедонијаЛЕВИЦА ЌЕ ГИ ОСПОРИ ДВОЈАЗИЧНИТЕ УНИФОРМИ ПРЕД УСТАВЕН СУД

ЛЕВИЦА ЌЕ ГИ ОСПОРИ ДВОЈАЗИЧНИТЕ УНИФОРМИ ПРЕД УСТАВЕН СУД

spot_img

ЛЕВИЦА ЌЕ ГИ ОСПОРИ ДВОЈАЗИЧНИТЕ УНИФОРМИ ПРЕД УСТАВЕН СУД

<

За време на економска и енергетска криза, Владата на СДСМ и ДУИ својата неспособност ќе ја прикрива со решавање на непостоечки прашања во општеството, кои водат кон разнебитување на унитарниот карактер на државата. Затоа, Левица ќе ја оспори неуставната владина Уредба за униформата и ознаките на Униформата на полицијата пред Уставниот суд.

Скандалозната Уредба е спротивна на амандманот V од Уставот, согласно кој службен јазик на целата територија е македонскиот јазик и неговото писмо. Следствено на тоа, оваа Уредба е спротивна и на Законот за полиција согласно кој, полицијата ја врши унифицирано својата работа на целата територија на државата. Притоа, веќе постои Правилник со кој се уредуваат ознаките на униформата и согласно кој, истите се идентични на целата територија на државата и истите не може да се разликуваат во зависност од општините каде се извршува работата.

Во изминатите две години, македонското население доживеа низа човечки трагедии, како последица на коруптивните кадри на оваа владејачка коалиција. СДСМ покажува дека нивниот фокус не е веќе на добивање на следните избори, туку задржување на овој мандат по секоја цена, додека ДУИ ја користи нестабилноста на мнозинството за да обезбеди политички поени.

Сепак, ова нема да ја спречи владината коалиција да ја закити оваа против-уставна Уредба со невистинити квалитети за инклузивност и прогресивност. Зад овие флоскули стојат регресивни мотиви и желби.

Политичката и општествена застапеност на албанската заедница е остварена и одамна на оптимално ниво, но, таа улога многу долго ја врши истата криминална партија, која непрестано покажува дека не ги штити интересите на албанските жители, туку исклучиво работи на зголемување на расцепот во нашето општество.

Прогресивната политика подразбира хомогенизација на чувството на припадност и надминување на потребата за етно-трибалистичко етикетирање на сите аспекти од општествениот живот. Под идејата за инклузивност тлеат вистински апетити за ФЕДЕРАЛИЗАЦИЈА и конечна формална поделба на политичкиот плен. На крајот на оваа цел, стојат многу поголеми предизвици за инклузија, кои допрва ќе треба да ги решаваме, бидејќи сегашните власти активно работат на разнебитување на заедничките врски.

Од највисоко значење е запирање на овие процеси, затоа што македонската државност е загрозена од сите страни – во внатрешната и во надворешната политика, и потребно е да се застане во одбрана на принципите кои ни го сочинуваат суверенитетот.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Висок функционер од СДСМ заврши во притвор

Судија на претходна постапка при основниот Кривичен суд Скопје го прифати предлогот на Основното јавно обвинителство за одредување 30денвен притвор за поранешниот директор на...

Традицијонална свеченост во спомен куќата на Прличев

По традиција во рамки на „Прличевите беседи“ и годинава се одржа свеченост во родната куќа на Прличев, којашто пред 20 години беше реновирана и...

23 годишниот одбранбен фудбалер Христијан Јанкулоски од Охрид е ново име на Брера Струмица.

23 годишниот одбранбен фудбалер Христијан Јанкулоски е ново име на Брера Струмица. Тој веќе се приклучи на тимот на Тони Атанасов и веќе...

Се степале двајца хирурзи во операциона сала во штипската болница

Двајца лекари се степале во Клиничката болница – Штип во текот на вчерашниот ден. Според соопштението на Секторот за внатрешни работи Штип, настанот е...