Претседателот на Турција, Реџеп Таип Ердоган пушти во употреба огромен висечки мост над Дарданелите. Ова е најдолгиот висечки мост во светот со централен распон од 2.023 метри и вкупна висина на кулата на мостот од 318 метри.
<
Мостот што ги поврзува европските и азиските брегови на Турција се нарекува „1915 Чанаккале“ и е изграден од турски и јужнокорејски компании, со проценета инвестиција од 2,5 милијарди евра.
Овие мегапроекти одиграа централна улога во достигнувањата на Ердоган откако неговата Партија на правдата и развојот за првпат дојде на власт во 2002 година. Други проекти го вклучуваат новиот аеродром во Истанбул, тунелите под Босфорот и мостот над теснецот.
фото: EPA-EFE/TURKISH PRESIDENT PRESS OFFICE.
