Откако националниот сервис МРТ ја објави програмата според која вечерва наместо пренос од фудбалскиот меч помеѓу нашата и португалската репрезентација ќе емитува снимка од Оскарите, се повеќе градоначалници информираат дека натпреварот ќе се пренесува на видео бим на градските плоштади.
Досега е потврдено организирано следење на мечот во Охрид, Куманово, Штип…
Охридскиот градоначалник Кирил Пецаков, за Во Охрид освен видео бим, поставени се и масички, охриѓани масовно ќе ја бодрат македонската репрезентација.
-Идејата за групно следење на фудбалскиот натпревар помеѓу Македонија и Португалија, дојде спонтано, преку разговор со Охриѓани. На Градскиот плоштад ќе биде поставен видео бим и масички каде во еден глас ќе може да навиваат и да ја бодрат нашата репрезентација.
Жално е што ниедна македонска телевизија нема да врши директен пренос, но тоа нема да ни претставува пречка од овде од Охрид да испратиме позитивна енергија до нашите момци во Порто. Коментарите за групното следење се позитивни и се надевам дека ќе бидеме во поголем број на Градскиот плоштад – вели градоначалникот Пецаков за Фокус.
