Министерот за надворешни работи Бујар Османи на денешниот брифинг посочи дека лица од Македонија се јавувале во Бугарија со цел да не се реши спорот меѓу земјите.
„Оваа недела од Северна Македонија се јавувале во Република Бугарија кажувајќи дека не потребен е целиот тој ангажман затоа што овде ќе се оди брзо на избори, дека ќе има предвремени и дека нема да може ниту да се постигне одредено решение“, посочи Османи.
Тој додаде дека се работи и за луѓе во институции, за кои се смета дека се на иста линија со тие кои ги коментираше бугарскиот премиер Кирил Петков.
Османи не истакна за кои лица или институции станува збор но според начинот на кој ги протеравме новите 5 руски дипломати и ги прогласивме за персона нон грата логично е да се разбери дека министерот Османи ззборува за нив.
Претходно, Османи посочи дека имало обиди Западниот Балкан да не се движи со соодветна динамика кон Европската Унија и тоа преку „прокси“ играчи.
Инаку, во текот на вчерашниот ден бугарскиот премиер Кирил Петков истакна дека двајца вработени во Државната агенција за национална безбедност на Бугарија работеле за Македонија да нема европска иднина.
Тој додаде дека е задоволен што агенцијата сама се справила со проблемот и двете лица веќе нема да работат по ова прашање.
„Лицата кои беа поврзани со овој скандал, станува збор за руски интереси кои работеле во една специфична насока, а тоа е Западен Балкан да немаат европска иднина и нашите односи меѓу Република Северна Македонија и Бугарија да не се толку пријателски колку едни добри соседи сакаат да имаат такви односи. Од таа гледна точка тоа за мене е многу важно да се знае дека јавно имаме руска интервенција во Бугарија специфично за Западен Балкан и Северна Македонија“, вели Кирил Петков.
