Новинарот Васко Ефтов обвини дека граѓаните кои го бојкотираа пописот направиле да пропуштиме можност за политичко пензионирање на Али Ахмети. Според Ефтов, со реален приказ на процентот на Македонците и на Албанците во Македонија, Ахмети ќе беше тешко погоден, бидејќи ќе се покажеше дека не успеал ниту за процент да го зголеми уделот на Албанците во Македонија.
Ќе го скантавме Ахмети. Многу ми е мака што не излегоа нашите. Да покажеме рационалност. Овој министерот за опозиција (Мицкоски) и овој кој што е премиер, да седнеа и да се договореа. Поранешниот премиер. Ако излеговме, ќе го пуштевме низ вода Ахмети. Ахмети беше зрел да го скантаме. Да покажеме првпат рационалност како Македонци и ние не го направивме тоа. Толку сум разочаран што не излеговме, што не се попишавме. Па што ќе ни се случеше ако се попишевме. Ние сме 62-63 отсто. Не поминаа 25 отсто. Исти им се резултатите како во пописот 2002. Па нели имаат кинески наталитет? Што не пораснаа Албанците? Толку е приказната за Албанците. Ако не ги асимилираат, албанизираат Ромите и Македонците Муслимани, под 20 отсто ќе паднат. И тоа ми е мака. Тоа го направија што бојкотираа. И тоа така некоја тегоба ми прави на душава, Али Ахмети беше зрел за праќање во политичка пензија, изјави Ефтов во емисијата „Само Интервју“ на Канал 5.
