Тимот на тетовска Шкендија доби нов тренер во името на поранешниот репрезентативец на Македонија, Артим Шаќири.
Шаќири практично се враќа во тетовските „црвено-црни“ во кои беше и како играч и како тренер.
Шаќири доаѓа на тренерското место, и ќе ја води екипата до крајот на сезоната, а потоа ќе ја извршува функцијата спортски директор на екипата.
Шаќири ќе го замени Бруно Акраповиќ кој доби отказ вчера после неубедливата игра и нерешениот резултат на екипата против Борец.
По повод раскинувањето на договорот со Акраповиќ, од ФК Шкендија соопштуваат дека до именувањето на нов шеф на стручниот штаб, во својство на в.д. тренер е назначен Артим Шаќири.
За помошник е назначен Бурхан Емурлаху додека во стручниот штаб продолжуваат да бидат Метин Далип и Куштрим Абдулахи“, соопштија од Шкендија.
Шаќири како играч на Шкендија беше во сезоната 2007/2008, а потоа во 2012/2013 беше и тренер на екипата.
