Пратеникот во Собранието на Република Македонија и лидер на Левица, Димитар Апасиев вчера гостуваше во емисијата Јади Бурек на телевизија Сонце.
Една од главните теми на дискусија во емисијата беа резултатите од пописот и целиот процес околу него, за што пратеникот нагласи дека овој попис е за демакедонизација преку кој сакаат да не направат Курди на Балканот.
„Преку оваа демакедонизација, сакаат да нè направат Курди на Балканот. Да бидеме брутално искрени. Швајцарија, ама Швајцарија нема Швајцарци. За да ние бидеме Швајцарија на Балканот треба да нема Македонци.“
Апасиев нагласи дека овој процес не се спроведува од вчера, и дека целата оваа „операција“ трае со децении, односно уште од осамостојувањето на Македонија. Тој преку бројки направи компаративна анализа за тоа како бројот на Македонци во Македонија се намалува.
„Прво, по бројот на државјанства, 73% се Македонци, во 2002 година нè симнаа на 64%, за денес психолошки и намерно нè спуштаат под 60% и нè симнуваат на 54%.“
Во продолжение пратеникот образложи за тоа колкав број на жители има најбројната етничка заедница во Македонија, укажувајки на бројот на издадени државјанства, Апасиев нагласи дека во одредени разговори самиот Али Ахмети признава дека Албанци во Македонија се помалку од 20%.
„Албанци се 16,7% по број на издадени државјанства, и тоа вештачки издавани. Ако ти текнува на бомбите на Ел Чека, Али Ахмети со Муса Џафери кога зборуваат, Ахмети сам признава дека Албанците ќе паднат под 20% ако се спроведе пописот, кој тогаш го прекинаа.”
На крајот од излагањето за овој дел, Апасиев констатираше дека пописот е политички процес со кој претходната власт во 2011 не успеала да се справи, а моменталната предводена претходно од Заев сега од Ковачевски доживеа тотален дебакал.
„Ни Груевски со 62 пратеника не успеа да испадне на крај со Али Ахмети , а не па Заев или овој Таче со четириесет и неколку пратеници.“
