Зекири спроведен во Шутка- 30 дена притвор за Мухамед Зеќири, сега веќе поранешен генерален секретар на Владата

30 дена притвор за Мухамед Зеќири, сега веќе поранешен генерален секретар на Владата, заради злоупотреба на службемата положба и овластувања.
“Постапувајќи по предлог на Основното јавно обвинителство за гонење организиран криминал и корупција за определување мерка притвор против едно лице за кое постојат основани сомненија за сторено кривично дело
Злоупотреба на службена положба и овластување, судија на претходна
постапка по произнесување на надлежниот обвинител и осомничениот во присуство на неговиот бранител во однос на предлогот, а притоа ценејќи ги сите факти приложени во предлогот, донесе решени со кое го прифати
предлогот и на осомничениот му определи мерка притвор во траење од 30
дена заради постоење на основите од член 165 ст.1 т. 1,2 и 3 од ЗКП.
Како што и претходно информираше судот, судијата на претходна постапка по добивање на предлогот на Јавниот обвинител, во Законски утврдениот рок издаде наредба до надлежната ПС за спровод на осомничениот, но во
текот на денот истиот самиот се пријави во судот да се произнесе во
однос на предлогот.
Против ова решение странките имаат право на жалба до Кривичниот совет на
овој суд. Што се однесува до другите двајца осомничени – опфатени со
предлогот за определување мерка притвор кои се странски државјани и за
кои е добиено известие дека се недостапни на органите на прогон,
донесено е решение за притвор од нивно пронаоѓање односно лишување од
слобода”, соопштија од Кривичниот суд.