Во неговото гостување во емисијата Јади Бурек со Јанко Илковски, лидерот на Левица Димитар Апасиев предупреди дека на Македонците им се заканува курдско сценарио – да станат народ без своја држава. Според Апасиев, тоа е целта на фалсификуваниот попис со кој вештачки се намали процентот на Македонци.
Преку оваа демакедонизација, сакаат да не направат Курди на Балканот. Да не направат Швајцарија, ама во Швајцарија нема Швајцарци. За да ние бидеме Швајцарија на Балканот, треба да нема Македонци. Прво, по бројот на државјанства, 73% се Македонци. Во 2002 година не симнаа на 64%, за денес психолошки и намерно не спуштаат под 60% и не симнуваат на 54%. Ако ти текнува на бомбите на Ел Чека, Али Ахмети со Муса Џафери кога зборуваат, Ахмети сам признава дека Албанците ќе паднат под 20% ако се спроведе пописот, кој тогаш го прекинаа, изјави Апасиев.
Апасиев додека дека друг процес што се одвивал со помош на пописот е процесот на косоваризација на Македонија, и дека тој процес се случува секогаш кога е СДСМ на власт. Така во 1991 година, 61.000 Албанци добиле државјанство. Така од 1.36 милион избирачи во 1994 година 1.572 милион избирачи, што е за 200.000 гласачи повеќе за само 3 години. Во 2004 година ДУИ обезбеди 53.000 државјанства. Додаде дека тогаш имало афера во која е замешан директор на ДУИ каде 100.000 листови со сериски броеви се исчезанти од управа за матични книги.
