Шпанското село Фуентес да Андалузија го промени своето име во Украина во знак на солидарност со народот на оваа источноевропска земја, која води одбранбена војна на повеќе од 4.000 километри, пренесуваат странските агенции.
Како што е наведено, некои од улиците во мирното населено место, источно од Севиља, со нешто повеќе од 7.000 жители, се преименувани во „Киев“, „Одеса“ и „Мариупол“. На влезот од селото има табла со боите на украинското национално знаме.
„Главната цел е да се подигне свеста за конфликтот во Украина, но и за земјите кои се во војна во моментов“, рече градоначалникот Франциско Мартинез. Тој додаде дека неговите сонародници собрале 3.500 евра за изградба на центар за бегалци.
Селото сака да прими до 25 бегалци или семејства во центарот.
МИА
