Ова е проблем на културен конфликт, наместо проблем на историја. Кога два идентитети се судираат, се судираат и два наративи и приказни. Во тие наративи влегуваат песни, приказни, храна…Тука некаде доаѓа и историјата, вели професорката Катерина Колозова во емисијата „Клик плус“, говорејќи на темата за контроверзниот бугарски клуб во Битола.
Според неа, тој наратив е нешто што е сржта на идентитетот.
-Во судиров не би се форсирала на историјата. Се фокусирам на поголемата приказна. Во културниот конфликт важни се гестовите на помирувања. Гестот е од ваша страна да ги признаете грешките, а не постојано да ја повикувате другата страна. Случајот со Ванчо Михајлов е поради тоа што властите се заглавуваат во тематика што не им е позната, затоа што не се историчари. Прашањето е зошто Бугарија и Петков избрале да аминуваат центар со такво име. Ванчо Михајлов е македонист, иако е фашист и нацист. Тој бил за независна Македонија, иако се декларирал за Бугарин. Бугарите не го сакаат Ванчо Михајлов. Петков се има лизнато, се залетува во клуб кој е со амин од Захариева. Исто и Захариева се лизнува, непознавајќи ја историјата. Зошто не им текна да го крстат Вапцаров или Пејоров? Тој основач со кој памет го именува вака клубот, прашува Колозова.
Локално.Мк
