7.4 C
Ohrid
петок, април 4, 2025
ПочетнаЗабаваСо два бели коња Елизабета Втора го слави 96-от роденден.

Со два бели коња Елизабета Втора го слави 96-от роденден.

spot_imgspot_imgspot_imgspot_img
spot_img

Кралицата Елизабета Втора денеска го слави својот 96-ти роденден во Сандрингам. Британскиот најдолговечен монарх отпатува со хеликоптер до нејзиниот имот во Норфолк, каде што ќе ѝ се придружат и семејството и пријателите.

<

Се очекува таа да остане во викендицата, што особено му се допаѓаше на нејзиниот покоен сопруг, принцот Филип. Таа, инаку, во февруари го прослави и платинестиот јубилеј – 70 години на британскиот престол. Кралицата беше во Сандрингам и кога го одбележа доаѓањето на престолот во 1952 година.

По повод роденденот, објавена е фотографија на која кралицата е со два коња – нејзиниот доживотен интерес и љубов кон овие животни. Сликата е направена во замокот Виндзор.

Инаку, Елизабета Втора беше официјално крунисана за кралица на Обединетото Кралство на 2 јуни 1953 година.

Изминативе неколку месеци, кралицата имаше проблеми со подвижноста и мораше да пропушти голем број настани, вклучително и црковните служби за Велигден. Нејзиното единствено јавно појавување годинава, надвор од нејзините резиденции, беше на свеченоста по повод благодарноста кон принцот Филип во Вестминстерската опатија.

Принцот Хари во интервју за американска телевизија посочи дека кралицата можеби го минимизира овој настан, велејќи дека „по одредена возраст родендените ви здосадуваат“.

Таа е родена во 1926 година, во Лондон на улицата „Брутон“, каде најпрво живеела со нејзиниот татко и мајка си подоцнежните крал Џорџ Шести и кралицата Елизабета. Куќата каде што е родена кралицата е урната 1930-тите.

За споредба, кралицата Викторија и Џорџ Трети живееле до 81-годишна возраст, а сите други англиски или британски владетели живееле под 80 години.

Според бројките на Канцеларијата за национална статистика, кралицата е една од околу 124.000 луѓе во возрасната група од 95 до 99 години во Велика Британија, од кои речиси три четвртини се жени.

МИА

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот за здравствено осигурување, Сашо...

Поршето не било на Срѓан Керим, тој само го возел а двете лица кои биле обезбедување на претседелката Давкова кажале дека е службено при...

Срѓан Керим го возел „поршето“ кое било во сопственост на друго лице, велат од МВР Автомобилот марка „порше“ што го возел Срѓан Керим кога непрописно...

Дисциплинска постапка за двајца полициски службеници кои лажно тврделе дека возилото “порше” е службено

Дисциплинска постапка за двајца полициски службеници кои лажно тврделе дека возилото “порше” е службено Од страна на Одделот за внатрешна контрола, криминалистички истраги и...

Нема цијанид во Крива река, утврди државниот инспекторат за животна средина

Државниот инспекторат за животна средина утврди дека нема цијанид во водата на Крива река во Паланка, потврди директорката на инспекторатот, Ивана Гиновска на денешната...