2.4 C
Ohrid
четврток, април 10, 2025
ПочетнаМакедонија"Македонскиот денар денес слави 30 години"

“Македонскиот денар денес слави 30 години”

spot_imgspot_imgspot_imgspot_img
spot_img

„Република Македонија воведува сопствена парична единица што ќе го носи името денар и еве задоволство ми е да видите како тие парични единици се печатени“. Така првиот премиер на државата Никола Кљусев го претстави денарот како национална валута која официјално беше воведена на 26 април 1992 година (Велигден).

<

Собранието тогаш донесе пакет на закони со кои државата се осамостои монетарно. На почетокот беа воведени вредносни бонови кои ги заменија тогашните југословенски динари во сооднос 1:1. Замената почна на 27 април 1992 година и траеше три дена. Југословенските книжни пари престанаа да важат на 29 април, а кованите пари од 1, 2 и 5 југословенски динари останаа во промет уште една година.

Вредносните бонови од 25, 50, 100, 500 и 1.000 имаа ист дизајн и се разликуваа само по бојата. На нив не го пишуваше името на новата национална валута. Македониумот беше основен мотив на предната страна, а тутуноберачите на задната.

Македонската валута го носи името денар по истоимената античка римска валута (лат. denarius), која се користела на оваа територија и во минатото. Името го има дадено академик Петар Илиевски, а како предлози во тој период биле разгледани и „македонски динар“ и „лав“.

Првите денари беа пуштени во оптег во 1993 година што ги чинеа серија на банкноти во вредност од 10, 20, 50, 100 и 500 денари, а во 1996 година биле воведени и банкноти во вредност од 1.000 и 5.000 денари.

Во 2016 година биле воведени и банкноти од 200 и 2.000 денари. Истовремено, книжните пари со апоенска вредност од 5.000 денари беа повлечени од оптек како последица на нејзината незначителна примена во секојдневните трансакции и намалената побарувачка од страна на банките.

Во 2018 година, Народната банка, која го има правото да издава книжни и ковани пари, ги замени банкнотите од 10 и 50 денари со нови полимерни банкноти.

Почнувајќи од 1996 година, НБРМ издава и јубилејни монети за колекционерски цели.

Денес, во земјава како платежно средство се користат книжни банкноти од 10, 50, 100, 200, 500, 1.000 и 2.000 денари и метални монети во вредност од 1, 2, 5, 10 и 50 денари.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Се огласи директорот на Кумунално Битола: За храна за кучиња имаме потрошено 100.000 денари а не 60.000 евра !!!

Директорот на Комуналното препријатие Горан Степановски од Битола, ги отфрла сите шпекулации и лаги кои беа изнесени на денешната седница- тој на социјалните мрежи...

Автомобилот на Ице, еден од хероите во „Пулс“ ќе биде дел од Car Show – Битола

Ице Андонов, еден од вработените во ноќниот клуб „Пулс“, херојски успеа да спаси бројни животи влегувајќи во огнот неколку пати – но за жал,...

Пајазит Пајазити останува судија, казнет само 30% од плата

Пајазит Пајазити, останува судија во Кривичниот суд, и покрај одлуката да го пушти Блерим Рамадани од ефективен во домашен притвор, по што тој избега....

Не 20.000 евра мито, туку 100.000 евра барал директорот на Геријатрија !!!

Јавен обвинител од Основното јавно обвинителство за гонење на организиран криминал и корупција денеска донесе Наредба за спроведување истражна постапка против две лица, од...