Како бомба одекна во светските медиуми веста дека Илон Маск, најбогатиот човек на светот, ја купил социјалната мрежа Твитер за 44 милијарди долари, а српските медиуми сега пишуваат дека Маск сака да дојде и во Србија.
Имено, како што пишува Biznis.rs, компанијата Tesla Motors се обратила до новосадскиот производител на минерална вода Minaqua со барање за соработка.
Оваа информација им ја потврди, додаваат, Татјана Малбаша од оваа компанија.
„Да, Tesla изрази интерес за соработка со нашата компанија, што би вклучило преземање на дел од компанијата“, изјави Малбаша за Biznis.rs.
Според неа, српската компанија сериозно ќе ја разгледа понудата бидејќи нејзини акционери се вработените и нивните семејства, но и странски партнери.
Таа додаде дека се подготвуваат примероци од вода да испратат во Tesla Motors.
Директорот на Minaqua за медиумите изјави дека Tesla, покрај нив, контактирала и со уште неколку компании во Европа кои имаат вода со природен јод и дека повеќе детали ќе бидат познати за неколку недели.
Канал.5
