Поради овие настани зголемена е будноста кај персоналот, а дополнително е зголемено и обезбедувањето во ноќната смена.
Неколку немили настани се случиле во Зоолошката градина Скопје за кои директорот на Кристијан Стаменов денеска побара од МВР да ги открие сторителите.
На 10 април годинава дванаесетина луѓе неовластено влегле петнаесет минути пред затворање на градината што било пријавено во полицијата. На 28 април службите во Зооолошката градина констатирале дека се пресечени неколку катанци, по што биле пуштени неколку животни, во рамки на просторот во Градината.
По рекордната посетеност во Зоолошката градина со над 14.000 посетители, на 09 мај во 00:30 часот имаше обид да се обие влезната врата од благајната. Сторителот е фатен од безбедносните камери на Зоолошката градина како во два наврата се обидува да го обие влезот на благајната, претпоставуваме со цел да направи финансиска штета. Но, снимениот поединец останал само на обидот, затоа што како што се гледа на снимката не можел да го обие влезот на билетарата и благајната по што настаната е незначителна материјална штета. Овој настан уште вечерта е пријавен во полициска станица Карпош – рече Стаменов.
Пишува: ПлусИнфо
