zoom вести македонија
ВЕСТИМАКЕДОНИЈАНАСЛОВНА
СДСМ: Не успеа блокадата на Собранието, работиме за граѓаните
May 13, 2022 во 9:11 14
Два дена им беа доволни на граѓаните да видат дека не успеа блокадата на Собранието, велат од СДСМ.
Владејачката партија вели дека пропаднаа обидите за деструкција од страна на ВМРО-ДПМНЕ и ништо не се постигна, освен што се одолговлекуваше усвојувањето на дневниот ред.
-Два дена се потрошија на бесмислени предлози, но сепак дневниот ред се усвои и Собранието продолжува со работа.
Таков е Законот за Финансиска стабилност во кој се прифатени амандмани на ВМРО-ДПМНЕ и прифатено е нивното барање истиот да се разгледува во погорните точки на дневен ред, но и за нивниот прифатлив предлог гласаа против дневниот ред.
Гласаа против и за Законот за спречување перење пари и финансирање тероризам, затоа што нивните заложби се декларативни.
Тоа е дефиниција за лицемерие, а лицимерие е второто име на ВМРО-ДПМНЕ.
Во време на најголема светска економска и енергетска криза, Собранието мора да биде фукционално и да носи решенија во интерес на граѓаните.
Блокадите по налог на Христијан Мицкоски повторно ќе бидат поразени.
СДСМ работи за граѓаните, ќе ги надминеме сите блокади и опструкции од опозицијата и сите потребни законски решенија кои се во интерес на граѓаните и државата ќе бидат донесени, се вели во соопштението.
Zoom.Mk
