Граѓаните се уморни од дневно-политички судири, блокади и препукувања. 20.000 тутунари, 10.000 сточари ги чекаат субвенциите за кои Владата има обезбедено средства, но заради блокади од опозицијата во Собранието не можат да бидат исплатени. Во вакво време на светска економска криза, кога главен фокус и приоритет ни е зголемување на домашното производство, неодговорно е да се прават било какви опструкции, за закони кои се од интерес на земјоделците и на граѓаните.
Мора да ги заборавиме партиските разлики и желбата за власт во време на вакви кризи. Македонскиот земјоделец има приоритет, овие блокади не смеат да бидат на грбот на земјоделците и на грбот на овие вредни луѓе кои што треба да обезбедат домашно производство на храна, што е најголемата борба и битка на секоја една држава па и на нашата во овој период.
Ги повикувам сите 120 пратеници ,на разум, одговорност и свесност, да ги изгласаат законските решенија, да ги исплатиме субвенциите на земјоделците.
Фејсбук статус на Љупчо Николовски – Министер за земјоделство,шумарство и водостопанство
