Полицијата лиши од слобода 37 годишна вработена во Домот за доенчиња и мали деца во Битола затоа што ги запуштала децатa згрижени во мал групен дом. Полициски службеници ја приведоа вработената во саботата вечерта под сомнеж дека ја запоставува својата должност.
Како што неофицијално дознава Телма, станува збор за 7 годишно дете со посебни потреби, кое вработената го врзала во вреќа за спиење, а таа била затекната во алкохолизирана состојба.
Од Домот за доенчиња денеска не успеавме да добиеме повќе информации, нема детали ниту од Министерството за труд и социјална политика, од каде кусо одгoворија дека против вработената ќе биде покрената дисциплинска постапка, а 7 годишното дете згрижено во оваа установа било прегледано од лекар кој констатирал добра психофизичка сосотојба кај него.
Инаку пред три години Домот за доенчиња и мали деца во Битола се трансформираше во пет мали групни домови, сместени во куќи и станови на различни локации низ градот. Целта беше на децата кои се напуштени од родителите или осанале без родителска грижа од други причини, да им се овозможи топол семеен дом.
