Мајката и синот апелираат до локалните власти да преземат нешто навреме зашто ако некој биде каснат или повреден, ќе биде доцна.
Мајка и син од Штип биле преплашени од куче скитник кое прво ја изело сета храна која ја оставиле на гробот за Задушница, а потоа влегло во нивниот автомобил и таму си лежело околу 40 минути. Мајката и синот биле преплашени од големото куче и чекале тоа самото да излезе од колата за да можат да си одат дома.
– Јас сакав да седнам во колата, а тоа влезе, ме бутна и легна на задните седишта, опашот му висеше надвор. Чекавме околу 40 минути да излезе од колата за да си одиме – рече жената за телевизијата Стар, која ја објави приказната.
