Со едриличарска прошетка по езерото и промоција на пловило на соларен погон, денес се одбелжаа 21 јуни, Денот на Охридското езеро. На манифестацијата присуствуваа и градоначалниците на Подградец Илир Џаколи и на Дебрца, Зоран Ногачески.
И оваа година традиционално го прославуваме 21 јуни како Ден на Охридското езеро, со силна верба дека ќе направиме се за неговата заштита и промоција, како наше заедничко уникатно природно богатство.
Aктивната соработка помеѓу Охрид, Струга и Дебрца од македонската страна и Поградец од албанската страна, започната пред неколку години, како основна цел ја дефинира потребата за вложување на заеднички напори во поставување на база за соработка, која ќе биде појдовна точка за напредокот во регионот на Охридското езеро.
Годинава со помош на Едриличарската федерација на Македонија и ЕУ, сакаме да покажеме дека силно сме посветени на еколошкиот аспект во ползувањето на благодетите на езерото, а охридските едрилици се патоказ како во иднина треба да изгледа нашиот бисер.
Денеска истотака беше промовиран пловен објект на соларен погон, изработен од учениците и професорите од ОЕМУЦ “Св. Наум Охридски“. Овој проект е финансиран од Фондот за иновации и технолошки развој, а во негова реализација учествуваа учениците Евгенија Шулевска, Шефко Асим, Никола Илиоски, Даниел Котоски, Јован Матлијоски и Христијан Груевски, под менторство на професорите Виолета Никовска и Сашо Ангелоски.
Напиша градоначаникот Пецаков на социјалните мфежи.
