Босанецот Нермин Ханџиќ е сензационален победник на годинешното издание „Ѕвездите на Гранд“, најгледаното регионално музичко шоу во финалето кое се одржа вечерва, а кое македонските гледачи имаа прилика да го следат во живо на Канал 5 телевизија. Ханџиќ освои 128.456 гласови.
Нашиот Александар Јосифовски од Охрид заврши на второто место со освоени 87.652 гласови. Трета беше Сандра Младеновиќ (17) од Србија. Фаворизираната Мелиха Имшировиќ од Босна и Херцеговина не влезе меѓу четирите најдобри, додека нашата Андријана Петрушовска не влезе меѓу осумте најдобри.
И покрај тоа што не успеа да победи, Александар Јосифовски имаше одличен настап, а јавноста посебно емотивно ќе ја памети полуфиналната вечер кога двајцата со својот ментор Ѓорѓе Давид се расплакаа на сцената.
