Германскиот канцелар Олаф Шолц ги повика граѓаните заеднички да се соочат со економските проблеми кои ја тресат Германија, особено инфлацијата и најави дека ќе се одржи состанок на експерти на кој ќе се обиде да даде одговор на тоа прашање.
„Мораме да се држиме за раце и да се држиме заедно“, рече Шолц во видео подкаст. Германскиот канцелар рече дека „поскапувањето е голем проблем кој мачи многу граѓани и со право. И затоа мораме да дејствуваме заедно“, рече Шолц.
Тој ги покани синдикатите, работодавачите, Бундесбанката и академиците, повикувајќи се на напорите од 1960-тите и 1970-тите, да разговараат за тоа што треба да се направи.
Кампањата наречена „Координирана акција“ започнува во понеделник во кабинетот на канцеларот.
Други можни инструменти го вклучуваат предлогот на министерот за труд Хубертус Хајл, кој бара финансиска помош еднаш годишно за самци кои заработуваат помалку од 4.000 евра бруто месечно и за брачните парови кои заеднички заработуваат помалку од 8.000 евра.
„Само повисоките плати и социјалните бенефиции можат одржливо да ја компензираат штетата на луѓето со средни и ниски приходи“, рече Марсел Фрацшер, претседател на Германскиот институт за економски истражувања (DIW), за ДПА.
Еднократните плаќања, од друга страна, не се од корист за многумина, рече Фрацшер.
