Од опозициската ВМРО-ДПМНЕ денеска преку соопштение алармираа за високата стапка на сиромаштија во земјава.
-Додека власта го раскрчмува македонскиот идентитет, во јавноста излегоа скандалозни податоци за кафеанските трошоци кои ги правел вицепремиерот за евроинтеграции, Бојан Маричиќ. Тој за една година изел и испил 313.603 денари или 5.000 евра на државен трошок, а во еден наврат платени се над 17 илјади денари за еден оброк, се вели во соопштението до ВМРО-ДПМНЕ.
-На менито на гоштевањата кои Маричиќ ги плаќал со народни пари имало лососи, медаљони од бифтек, телешко печење, калифорниска пастрмка, се пиеле вина и жестоки пијалаци. Овие сметки се правени по ексклузивни ресторани во Скопје, додека во исто време граѓаните едвај врзуваат крај со крај. Над 450 илјади граѓани живеат во сиромаштија и трошат само по 150 денари на ден, а Бојан Маричиќ трошел и по стотици евра за јадење дневно. Бедно, порачаа од партијата.
