18.8 C
Ohrid
понеделник, јуни 9, 2025
ПочетнаМакедонијаЦентралниот одбор на СДСМ едногласно го поддржа процесот за отпочнување преговори со...

Централниот одбор на СДСМ едногласно го поддржа процесот за отпочнување преговори со ЕУ

spot_imgspot_imgspot_imgspot_img
spot_img

Централниот одбор на СДСМ на денешната седница едногласно донесе Одлука со која го поддржа процесот за отпочнување преговори со ЕУ
Водејќи се од државните и национални интереси, највисоките стратешки цели за членство во ЕУ како и интересите на сите граѓани, Централниот одбор на СДСМ на денешната седница едногласно донесе одлука со која го поддржа процесот за отпочнување преговори со ЕУ.

<

Со оваа одлука, како што се наведува во соопштението од СДСМ, Централниот одбор на партијата го поддржува процесот за отпочнување на преговорите за полноправно членство во ЕУ согласно предлог-преговарачката рамка за пристапни преговори со Унијата од последниот европски предлог од 30 Јуни 2022 година, предложен од претседателството на Франција.

„СДСМ како државотворна партија останува цврсто кон определбата за безусловно почитување на јазичните, идентитетските, историските и културните особености на македонскиот народ, како елементи за кои не се преговара со ЕУ во ниту едни околности“, велат од партијата.

Овие определби и принципи, СДСМ очекува да бидат поддржани од сите политички субјекти во Собранието преку носење на натамошни заклучоци за европскиот предлог, согласно собраниските процедури.

„Во преговарачкиот процес, Владата, заедно со сите институции, и понатаму треба доследно да се придржуваат до Резолуцијата за македонските црвени линии усвоена од македонското Собрание. Нашата земја е пред многу важна одлука за нејзината иднина и остварување на уште една стратешка цел, отворање на преговорите со Европската унија со зачуван и обезбеден македонски јазик во ЕУ. Toa значи конечно затворање на сите идентитетски прашања“, се вели во соопштението.

Имаме предлог, додаваат од СДСМ, кој гарантира чист македонски јазик во ЕУ, историски и билатерални прашања надвор од преговарачката рамка.

„Сите политички партии треба да пристапат одговорно, државнички и рационално и заедно да ја донесеме долгоочекуваната државна одлука за продолжување на евроинтегративниот пат на земјата“, додаваат од партијата.
Извор:Слободен Печат

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Мицкоски до Умс: Вие сте генерацијата што ќе ја движи Македонија напред

Денес имаме битки кои мораме сами да ги водиме, и победи кои мора заеднички да ги издвојуваме. 30 години политичарите во Македонија никогаш отворено...

Претседателката Давкова се сретна со Макрон.

Задоволство беше, во присуство на францускиот претседател Емануел Макрон да бидам дел од церемонијата за отворање на Декадата за криосферските науки кои ги проучуваат...

Инцидент во Охрид: 14 годишно момче со параглајдер удрило во канделабра при слетување.

Инцидентот бил пријавен вчера во 17.45 часот во СВР Охрид. Според пријавата, во близина на Полициската станица за безбедност на патниот сообраќај Охрид при...

За Македонците веќе и во Поградец е скапо

До пред некоја година македонските граѓани одеа во соседна Албанија на пазарување, затоа што економските околности тоа го дозволуваа. Сега ситуацијата се повеќе се...