Бочварски со совет до граѓаните: Доколку ви се скапи патарините на автопатот Штип-Миладиновци, патувајте по регионалните патишта!

Министерот за транспорт и врски, Благој Бочварски за македонските медиуми даде изјава во врска со патарините на автопатот Миладиновци-Штип.

„Постои и алтернатива за сите оние на кои им е скапо да патуваат во овој правец, може да патуваат преку регионалните патишта“, потенцираше Благој.

Како што беше најавено од Министерството за транспорт, од денеска се пуштија во употреба патарините на автопатот Штип – Миладиновци. Ова значи дека за патување до Свети Николе ќе треба да се платат дополнителни 140 денари, додека во правец за Скопје, 320 денари.