6.1 C
Ohrid
петок, февруари 23, 2024
ПочетнаМакедонијаПриведениот за палењето на колата на пратеникот Ристески во притвор- Го искршил...

Приведениот за палењето на колата на пратеникот Ристески во притвор- Го искршил телефонот пред полицајците

Осумдневен притвор заработи лицето кое вчера полицијата го приведе во врска со опожарувањето на возилото на прилепскиот пратеник Петар Ристески. Меѓутоа, притворот е за друго дело кое го сторил на распитот во полициската станица. „360 Степени“ информира дека приведениот го искршил својот мобилен телефон кога му бил побаран од полициски службеник. Поради тоа, во скратена постапка, ќе му се суди за сторено кривично дело спречување службено лице при вршење на службено дејство.

Во меѓувреме, задржано е уште едно лице за кое истражителите веруваат дека има информации околу палењето на автомобилот. Меѓутоа, ниту едниот ниту другиот сѐ уште не се водат за осомничени, односно не им е поднесена кривична пријава.

Од Јавното обвинителство велат дека денеска се обезбедуваат и ќе се прегледуваат видео снимките од надзорните камери, а ќе се вештачат и другите докази за да се утврди дали првото лице е поврзано со палењето на автомобилот.

Пожарот се случи вчера рано изутрината околу 01:45 часот и во него целосно изгоре автомобилот на пратеникот Ристески и делумно она на неговиот татко. Противпожарните служби навреме го изгаснале пожарот за да не се прошири на семејната куќа на Ристески. Повредени нема, а полицијата и прилепското Јавно обвинителство направија увид.

Ристески смета дека ова е обид за да го заплашат поради неговото противење на т.н. француски предлог, став што го споделува и партискиот лидер Христијан Мицкоски.

spot_img
spot_img
ПОВРЗАНИ СТАТИИ

Најпопуларни

Повеќе постови

Трагично заврши потрагата по исчезнатиот Александар од Прилеп

Потрагата по лицето Александар Јошовески од Прилеп на кого му беше изгубена трагата вчера попладне за жал е пронајден починат вечерва. Ова преку социјалните мрежи...

„Несериозен е предлогот на ВМРО-ДПМНЕ за продолжување на важноста на пасошите“, рече Маричиќ

Предлогот законските измени на ВМРО-ДПМНЕ за продолжување на важноста на патните исправи е правна несигурност за граѓаните, изјави вечерва вицепремиерот Бојан Маричиќ на новинарско...

Максим Димитриевски е претседателски кандидат на ЗНАМ за претстојните избори.

Максим Димитриевски е претседателски кандидат на ЗНАМ за претстојните избори. Партијата Движење ЗНАМ - За наша Македонија вечерва во Скопје ќе го одржи првиот...

ДНК со поддршка до Силјановска-Давкова: Време е да си добиеме мајка!

Популарното музичко дуо ДНК јавно и искажа поддршка на професорката Гордана Силјановска-Давкова, која се пријавила на јавниот повик за избор на кандидат на ВМРО-ДПМНЕ...