Роботските риби кои јадат микропластика би можеле да бидат спасителни во чистењето на загадените води. Тим кинески научници од Универзитетот во Сечуан развиле роботи кои се долги само 1,3 сантиметри и веќе успешно ја отстрануваат микропластиката во плитките води.
„Целта на кинеските научници е овие риби да можат да собираат микропластика во подлабоките води и да дадат информации за чистење на морето“, вели Ванг Јуан, еден од научниците кои го развиле роботот.
Црната роботска риба е мека на допир, а научниците можат да ја контролираат со светлина. Способна е да апсорбира се што јаде, а направена е од полиуретан, па дури и да ја изедат други риби, лесно се вари.
Може да плива со брзина од 2,76 должини на телото во секунда, што е побрзо од повеќето роботи.
„Ние главно работиме на собирање микропластика, но роботската риба може да се користи на многу начини“, рече Ванг, пренесува Индекс.
Фото: unsplash
