Чичко Дане од Штип повеќе од 30 години се занимава со собирање и продажба на чаеви и билки. Живее во градот, а со велосипед оди до подножјето на Плачковица за да собира чаеви кои потоа им ги нуди на граѓаните. Вели задоволен е од побарувачката, но заради сушата изминативе неколку години и Плачковица веќе не изобилува со билки како претходно. Оваа година собрал едвај 100 топчиња чај, а од годинините назад се собирале и по 700 до 800.
„Чајот е од подножјето на Плачковица, нудеме липа, коњска опашка, нане. Повеќе кантарион земаат граѓаните, ама купуваат речиси сѐ. Чајот го собираме од мај па до сега. Ама чај има ретко.“
Тој освен чаеви на граѓаните им дава и рецепти, како што вели тој проверена литература за тоа како и за што може да го косритат чајот.
Чичко Дане живее со мала пензија, но откако се пензиоирал како хоби продолжува да собира чај. Заедно со неговиот сосед на 86 годишна возраст со велосипедот минуваат и по 30 километри за да соберат чај. Не е исплатливо, но барем има некаква активност.
Пред камерите на М- Нет телевизија чичко Дане вели можеби осоговијата и Малешевијата имаат подобра понуда за чај, но за него тоа е неисплатливо. Подножјето на Плачковица е иделано место бидејќи го посетува со велосипед. На тој начин има физичка активност и скромно заработува по некој денар од продажба на чаеви и билки.
