Анџела Прајс- Агелер е новата амбасадорка на САД во Македонија

Доаѓа на местото на Кејт Мари Брнз, која ја извршува функцијата амбасадорка на САД во Скопје од 2019 година. Агелер минатата недела имаше сослушување за нејзината номинација пред комисијата за надворешни работи на амекриканскиот Сенат. Вети охрабрување за судските реформи и одговорност за како што рече корумпираните актери во земјава.

-Ќе ги охрабрам судските реформи и ќе ги повикам институциите на Македонија да промовираат транспарентност во истрагата на наводите за злоупотреба и одлучно да се спротивстават на корупцијата за да ја зајакнат довербата на јавноста во владеењето. Ќе работам со меѓуагенциските партнери за да ѝ помогнам на С. Македонија да развие национална стратегија која ефективно ќе бара одговорност од корумпираните актери,изјави – Анџела Прајс Агелер – Нов амбсадор на САД во РМ.

Таа ја потврди и поддршката за македонските евроинтеграции посочувајќи дека земјава надминала сериозни предизвици и направила тешки избори со цел да го продолжи историските чекори кон Брисел.

Ова не е прв ангажман на Агелер во Македонија, бидејќи претходно во нејзината дипломатска кариера таа била ангажирана и како претставник за односи со јавноста во Американската амбасада во Скопје.

Во официјалното соопштение објавено на веб страната на Белата куќа се посочува дека Прајс Агелер е дипломат од кариера со функција министер-советник вработена во Службата за надворешни работи на Стејт департментот, која досега беше заменик-шеф на Мисијата во Амбасадата на САД во Пакистан.

Претходно, таа била задолжена за односи со јавноста во Амбасадата на САД во Париз, в.д. заменик помошник државен секретар во Бирото за Јужна и Централна Азија и во Канцеларијата на специјалниот претставник за Авганистан и Пакистан во Вашингтон, како и заменик помошник државен секретар за печат и јавна дипломатија. Во Скопје се очекува да пристигне во септември.

ОСТАВИ КОМЕНТАР

Please enter your comment!
Please enter your name here