Литературниот историчар, публицист, преведувач и новинар од Бугарија, Росен Тахов, во анализа за весникот „Труд“ не штеди навреди за Македонија како држава и за македонскиот народ.
„Го нарекуваат Косово ‘делумно призната’ држава. Ние сме меѓу оние кои ја признаа. Како што направивме со хермафродитот РС Македонија“, стои уште во поднасловот на написот насловен „Косовската битка продолжува“.
„Најопасни се вештачките државни творби. Како Македонија и Косово на Балканот. Историчарите го нарекоа полуостровот ‘барутен погреб’ на Европа. Поради неизживеани националистички комплекси, македонистите (!) и Косоварите можат да му го запалат фитилот. Кој е многу краток во рударството и во уривањето“, оценува Тахов, објаснувајќи во фуснота дека „има космичка разлика меѓу ‘Македонец’ и ‘македонист’. Македонецот е етнички Бугарин, а македонистот отпадник“?!
