Поранешниот прв човек во Управата за безбедност и контраразузнавање на Македонија, Сашо Мијалков, и неговата сопруга, примабалерината Александра Мијалкова, пред четири дена станаа дедо и баба.
Нивниот постар син Јордан доби ќерка, а веста прва на социјалните мрежи ја објави сестрата на неговата сопруга Анастасија, Александра, која е во брак со познатиот македонски актер Атанас Атанасовски.
Семејството вчера направи голема прослава со своите најблиски роднини и пријателите меѓу кои имаше и ногу познати ликови.
Имено тие направија журка во хотелот Мериот на која пееше Тамара Тодевска, а дел од прославата можевме да видиме како од фотографиите што ги објави пејачката, така и од сестрата на снаата на Мијалков, Александра, која исто така сподели неколку моменти од овој интимен настан.
На снимките што испливаа на социјалните мрежи се гледа како бабата Александра игра со својот син и се весели, а Тамара објави и една фотографија на која е со Сашо Мијалков и на која се гледа дека е поприлично расположен иако наскоро треба да замине „принуден одмор“ во затворот во Струга.
