Жарко Пејановиќ или Кнеле од Забјела е приведен во Црна Гора откако во вторникот упаднал во канцелариите на дневниот весник Дан и порталот Дана и физички ги нападнал вработените кршејќи го инвентарот.
Во инцидентот се повредени техничкиот уредник и еден новинар, а редакцијата на Дана објави фотографии на кои се гледа како изгледале нивните простории по нападот.
Како што пренесува Дан, Пејановиќ е незадоволен што во текстот од натпреварот во лежење, кој се одржа во етничкото село Црна Гора во Брезне, во кој тој победи, се вели дека тој е „најголемиот џаболебар“. Инаку, „најголемиот џаболебар“ веќе неколку години е востановената титула за победник на ова натпреварување.
За инцидентот се огласи и полицијата
„Во вторник во 18.06 часот во полиција во Подгорица е пријавено дека едно лице влегло во просториите на редакцијата ДАН и физички ги нападнало новинарите кои биле таму. Полициски службеници излегле на местото каде што го пронашле Ж. П. (38) кој незадоволен од текстот објавен во овој медиум за натпреварот што се одржал претходните денови во етничко село во Плужине, а во кој учествувал, физички го нападнал техничкиот уредник на редакцијата А.Ј., и го скршил стаклото и дел од инвентарот во овие простории, се здобил со повреди во вид на гребаница на раката“, се вели во соопштението.
Полицијата извршила увид на лице место, собрала информации од присутните во службените простории.
Подоцна Жарко Пејановиќ е сослушан од основен јавен обвинител и одреден му е притвор од 72 часа.
