Клиника за убавина и разубавување во Лаос, „Dr. Nith Beauty Center“, објавила фотографија од тројца луѓе кои во рацете држат нови „iPhone 14“ телефони, а од десната страна имаат фластери низ кои се гледа крв.
Алузијата на вадењето бубрези за да добиете пари за купување на „iPhone 14“ телефон е јасна, а фотографијата ја вознемирила речиси цела јавност.
Фотографијата за кратко време станала вирална, а од Тајланд каде ја погледнале најмногу луѓе, се проширила низ цел свет, а она што го прикажува истата е целиот ужас во кој живееме денес во ова модерно време и во кое на луѓето навистина им е потребно да продадат бубрег за да си купат нов „iPhone“.
За жал, за работата да биде уште полоша сликата е намерно „монтирана“ и искористена како маркетинг трик т.е. само за да привлече внимание на клиниката која се рекламира.
Трговијата со органи е забранета, а самата идеја вознемирувачка и лоша, па не е ниту јасно како воопшто властите не реагирале за да спречат нејзиното ширење.
За жал клиниката која ја направила фотографијата смета дека не направила ништо лошо и тврди дека не заговараат продажба на бубрези за пари ниту пак вадење бубрег за купување телефон.
Фотографија ја осудил и Црвениот крст којшто потсетил на тоа дека истата испраќа непристојна порака која би можела да ги инспирира луѓето да преземат драстични мерки за да го добијат посакуваното парче технологија, особено во општествата кои не се богати, како што се Тајланд и Лаос.
Во споменатите земји „iPhone“ е статусен симбол затоа што чини драстично повеќе отколку во другите делови од светот, над 1.500 фунти му е почетната цена, а просечната плата кај нив е околу 350 фунти.
Извор: Точка.Мк
