Денес, во рамки на меѓународната агенда на Министерството за внатрешни работи на Република Северна Македонија, заедно со Министерот за внатрешни работи на Република Северна Македонија г-дин Оливер Спасовски, го посетивме Генералниот секретаријат на Меѓународната организација за криминалистичка полиција – ИНТЕРПОЛ со седиште во Лион, Франција, каде остваривме средби со Генералниот секретар на ИНТЕРПОЛ г-дин Јурген Сток, Извршниот директор г-дин Стефан Кавана и одговорниот на ИНТЕРПОЛ за Европа, г-дин Франц Шерман.
Поводот на оваа посета е организирањето на јубилејната 50. Европска регионална конференција, која во 2023 година е доверена на Република Северна Македонија, што се совпаѓа со уште еден значаен јубилеј – 30- годишнината од членувањето на нашата држава во ова глобално полициско семејство.
На денешната средба исто така разговаравме и за учеството на МВР во заедничките операции со ИНТЕРПОЛ за детектирање и сузбивање на организирани групи инволвирани во криумчарење кубански и индиски мигранти и, во соработка со Царинската управа, во глобална операција за справување со криминалот со возила и разбивање на транснационалните мрежи кои профитираат од ваквата активност, при што одземени беа 10 возила под сомнение за фалсификат, од кои кај пет возила потврдени се фалсификати.
ЗА ПОВЕЌЕ ГОТОГРАФИИ ТУКА
Со сите државнички почести за првпат во историјата на РСМ во седиштето на Интерпол во Лион, дочекани министерот Спасовски и директорот на БЈБ Сашо Тасевски
ПОВРЗАНИ СТАТИИ
