Младински центар ќе биде отворен во среда, 12 октомври 2022 година, во комплексот Касарна во Охрид.
Младинскиот Центар Охрид е место каде ќе се подготвуваат и спроведуваат програми кои ќе ја подобруваат благосостојбата на младите, развојот на личниот, социјалниот и професионалниот живот на младите, информации од важен интерес за младите и други аспекти од животот на младите. – информираат од Коалиција на младински организации СЕГА, која е избрана младинска чадор организација да раководи со Младинскиот Центар Охрид во период од 3 години со поддршка на Општина Охрид.
На отворањето на Младинскиот Центар Охрид обраќање ќе има градоначалникот на Општина Охрид, Кирил Пецаков, за значењето на младинските центри ќе говори Зоран Илиески – извршен директор на Коалицијата СЕГА, целите на Младинскиот центар Охрид ќе ги презентира раководителот на МЦО Јован Цветкоски.
OhridNews
