По два месеци доцнење за денес директорот на Агенцијата за државни патишта Ејуп Рустеми најави пуштање на трасата од Охрид до Требеништа од автопатот во изградба. Доцнењето како што рече пред една недела се должи на времето и административни проблеми.
Имавме административни проблеми кои ги решивме и следниот понеделник целосно ќе биде пуштен во употреба патниот правец Требеништа – Охрид. Причина за пролонгирањето се и временските прилики кои не беа поволни изминатиот период. Дополнително завршивме шеесеттина инфраструктурни проекти со што го ослободивме автопатот од нерешените прашања и создадени се сите услови овој значаен инфраструктурен проект да биде завршен во предвидениот рок до 2023 година. – изјави Рустеми.
Инаку, проектот на две влади ја доживува осмата година на изградба која стартуваше во 2014 година. Според првиот договор, изградбата на автопатот требаше да биде завршена во 2018 година, но по промената на власта со Анекс на Договорот, рокот беше пролонгиран за 30 јуни 2021 година, со образложение дека имало пропусти во проектирањето. Крајниот рок е повторно пролонгиран, овој пат до крајот на 2023 година.
OhridNew
