Честит 11 Октомври Mакедонијо-Да живее 11 октомври, да живее Mакедонија, да живее македонскиот народ.!

На 11 Октомври во 1941 во Прилеп и Куманово Македонскиот народ го започна досега најуспешното вооружено востание во својата долговековна историја.
Востанието против фашизмот во Македонија започна со нападот кој Прилепскиот партизански одред „Гоце Делчев“ го извршува во Прилеп на 11 октомври 1941 година. Во нападот учествуваат 16 партизани, распределени во три групи. Првата го напаѓа бугарскиот полициски участок, втората – затворот, а третата има задача да ги прекине телефонските врски и електричната инсталација.
Во првата група учествуваат: Аспарух Јосифоски (командир), Душко Наумоски, Блаже Спиркоски, Милан Димоски и Драган Спиркоски.
Во втората група биле: Никола Попоски (командир), Мице Козар, Пецо Крстески, Јонче Јанески, Благоја Корубин и Душко Ристески.
Во третата група биле: Мице Димески (командир), Крсте Црвенковски, Коле Чашуле, Киро Ќососки и Киро Базеркоски.
Ова востание беше против фашистичките окупаторски сили од тогашна Бугарија Италија и Германија.
Како резултат на ова успешно востание на македонскиот народ кој јасно застана на страната на западните сојузнуци точно на ден Илинден 2 Август 1944 во манастирот Св Прохор Пчински се оформи современата Македонска држава.
Вечна благодарност кон македонските партизани за тоа што го постигнаа во втората светска војна.
Денес мора да бидеме што повеќе национално изградени и постојано претпазливи како народ бидејќи почнаа да се појавуваат разни емисари со слатки пароли и тоа со единствена цел да не избришат нас како македонци,и да ја препишат историјата спротивно на онаа историја што е запишана во западната воена историја.
Се надевам дека после дождот македонско сонце ќе изгрее.
Верувам во македонија и мудроста на македонскиот народ.
Македонската борба продожува!
Да живее 11 октомври, да живее македонија, да живее македонскиот народ.!