Утринава пред бугарскиот клуб “Цар Борис Трети” во Охрид вооружен фатен бил бугарски државјанин, дознава ОХРИД 24 од сведоци на настанот.
Според сведоците кои ни ја доставија информацијата бугарскиот државјанин во себе имал два ножа. Тие претпоставуваат дека тој дежурал пред клубот, како не би дошло повторно до инцидент, бидејќи деновиве повторно беше поставена таблата со името, која пред една недела беше искршена.
Од наши извори дознаваме дека лицето било фатено при проверка на полициските службеници кои вршат засилена контрола на приодите кон клубот.
Бугарскиот клуб “Цар Борис Трети” беше отворен пред десетина дена, и предизвика голем револт кај граѓаните, кои преку протест на денот на отворањето го изразија својот револт. Исто така пред една недела беше искршена таблата на клубот, од страна на 47- годишен охриѓанец.
