Полицијата од Валандово вчера околу пладне уапсила тројца Украинци затекнати како вршат ископ на археолошкиот локалитет „Исар” кај село Марвинци.
На 21 октомври годинава на археолошкиот локалитет „Исар” кај село Марвинци, валандовско, полициски службеници од ОВР Валандово ги лишиле од слобода В.О.(40), О.П.(35), И.Р.(46) и М.Р.(48), сите од Украина, со привремен престој во Скопје. Тие биле затекнати како вршат ископ на локалитетот, кој е прогласен за добро под привремена заштита. Кај нив биле пронајдени два детектора, лопати и неколку ископани предмети. Исто така, при преглед во патничките возила „тојота” и „хјундаи” со украински национални ознаки, со кои пристигнале на местото, бил пронајден детектор”, соопшти Министерството за внатрешни работи.
Од таму велат дека по целосно расчистување и документирање на случајот против нив ќе биде поднесена соодветна пријава.
