Силното невреме кое го зафати регионот на Нови Пазар ја зема првата жртва. Во поплавите, загинало двегодишно дете чие тело е пронајдено во коритото на река во близина на Тутин. Како резултат на невремето, драстично е зголемен водостојот на реките Рашка, Јошаница, Трнавица и Видрењак и затоа е воведена вонредна состојба со ризик од поплава.
Војската на Србија заедно со полицијата се на терен, а српскиот министер за одбрана Вучевиќ пристигна во регионот од каде порача дека ова треба да биде опомена за сите, да не се градат објекти таму каде што не е предвидена нивна изградба, да не се фрла отпад каде што не треба бидејќи кога има поплави и несреќи секогаш е подобро да се спречи отколку да се лечи.
“Многу зависи од нас, бидејќи секогаш кога ќе се случи несреќа, ѓаволот ни е крив и се започнуваат истраги зошто тоа ни се случило нам, а никогаш не ги гледаме причините од кои тоа дошло”,
кажа Вучевиќ.
Министерот за внатрешни работи, Братислав Гашиќ кажа дека ситуацијата во Нови Пазар и Пријепоље барем засега е под целосна контрола.
