4.9 C
Ohrid
недела, декември 10, 2023
ПочетнаМакедонијаПотресна исповед на сопруга на загинат бранител во 2001: Ние не бараме...

Потресна исповед на сопруга на загинат бранител во 2001: Ние не бараме преку леб погача, ама не сакаме голготи, сакаме почит

Надица Мирчовска е бранител, како што ни објасни таа, учесник во три војни (Хрватска, Косово и конфликтот во 2001 година), сопруга на командант на воена полиција загинат во 2001 година, мајка на две ќерки.

Надица за Инфомакс раскажува потресна приказна, за тоа како некој цел живот дава се’, го дава дури и животот за татковината, за на крај таа да побара пари од нив затоа што некако се збогатиле…

Првичната причина зошто разговаравме со Надица е барањето за поврат на средства од ПИОМ, околу 200.000 денари од пензијата која ја земале нејзините ќерки откако починал нивниот татко. Надица ни раскажа дека таа никогаш не го добила решението од ПИОМ за поврат на средства, ниту некогаш била повикана на рочиште, за потоа да добие известување дека заради наплата на 450.000 денари од страна на извршител ѝ е блокирана банкарската сметка. Надица се обратила и до народниот правобранител кој не препорачува запирање на извршната постапка, туку промена на начинот на извршување.

Покрај личната голгота, Надица ни раскажа за сите проблеми на бранителите, за тоа како државата ги остава на милост и немилост, за сите власти кои наместо да ги решат проблемите на бранителите не преземале апсолутно ништо за да не им се растурат коалициите.

Ќерките на Надица скоро и да не го паметат нивниот татко кој починал кога имале по 5-6 години. Како што вели Надица, бранителите не биле ни сослушани од државата, а дополнително биле понижени со некои активности на властите, особено со величање на дезертерите кои подоцна станаа функционери во Македонија. Животот на нејзиниот сопруг бил проценет на 250.000 денари, колку што државата мислела дека ќе ја надомести болката за загубата, а како што вели Надица во обесштетеувањето имало низа неправилности и неправди бидејќи секој добивал различно…

Во Македонија дојдов да го дадам животот на мојот сопруг, а моето семејство не вреди ништо во општеството, ние не бараме преку леб погача, ама не сакаме голготи, сакаме почит, рече Надица.

На крај Надица јавно побара средба со претседателот Пендаровски и премиерот Ковачевски, не само за решавање на нејзиниот проблем, туку за решавање на проблемите и статусот на сите бранители и семејства на бранители.

Надица апелира сите бранители да ја контактираат на нејзиниот телефонски број 076/363-609, за заедно да се борат за нивните права.

Во продолжение, проследете го потресното интервју на Надица, пробајте да не заплачете и да не се разочарате од државава, ако е тоа воопшто можно….

spot_img
ПОВРЗАНИ СТАТИИ

Најпопуларни

Повеќе постови

Перо Антиќ активно учествува во предизборната кампања на Вучиќ

Перо Антиќ веќе некое време објавува фотографии и видеа на неговите профили од политичкиот ангажман Во Србија идната недела ќе се одржат избори, а во...

Истиот лек во Германија е 310, а во Македонија 970 денари!

Ова е лекот Ко Росвера од 20 мг и 10 мг. Го препишуваат главно кардиолозите, а служи за одржување на ниско ниво на холестеротот...

Бил Гејтс: Интернетот помогна „лудите“ луѓе да се најдат едни со други

Мултимилијардерот Бил Гејтс изјави дека првично мислел дека Интернетот ќе го направи светот позаснован на факти, дека ќе стане рационален, но дека подоцна сфатил...

Османи: Следната мисија на ДУИ е претседател на државата

Портпаролот на ДУИ, Бујар Османи денеска во изјава за медиумите рече дека следната мисија на ДУИ е претседател, бидејќи тоа е единствената функција која...