Финците, Унгарците, Турците… се народи од жолта раса во Европа…
Продолжуваат да излегуваат на виделина грешките и небулозите во новоотпечатените учебници. По скандазните содржини во учебникот по Историја и општество за петто одделение, осмооделенците по Географија ќе учат дека Финците се иста раса како и Кинезите.
Ова е наведено во втората тема „Социо-географски карактеристики и регионална поделба на Европа“ во лекцијата „Основни карактеристики на населението во Европа. Учебникот по Географија е од 2020 година од авторите д-р Коле Павлов и проф. д-р Горѓи Павловски.
Прашавме во образование што ќе превземе министерството за пропустите и во овој учебник, но не добивме одговор.
Во меѓувреме по катастрофалните грешки дека Македонија на Исток се граничи со Албанија, а на запад со Бугарија, како и зголемувањето на висината на највисокиот врв во Европа Монт Еверест за 20.000 метри, Здружението на Историчари контатираше уште голем број недостатоци во Историја и општество за 5-то и најавија детална критичка анализа за овој учебник која во најскоро време ќе ја достават до МОН.
Авторките за дел од грешките преку социјалните мрежи се оградија дека биле технички.
Министерот за образование пак најави дека до почетокот на второто полугодие ќе се најде решение за спорниот учебник, ако се утврди дека има помалку од 30 проценти грешки ќе се корегираат и вратат во употреба, а ако се повеќе ќе биде повлечен.
